Virgil Van Dijk og Joe Gomez, varnarmenn Liverpool, voru ekki með liðinu í fyrstu tveimur leikjum undirbúningstímabilsins í dag er liðið splaði við Wacker Innsbruck og Stuttgart.
Báðir leikmenn meiddust illa í byrjun síðasta tímabils. Van Dijk meiddist eftir tæklingu Jordan Pickford í október og hefur ekki spilað síðan en er byrjaður að æfa á nýjan leik.
Gomez meiddist á æfingu með enska landsliðinu í nóvember og er hann einnig að koma til baka.
Þeir hafa æft með hópnum í Austurríki síðustu daga en voru ekki með í æfingaleikjunum í dag.
Jürgen Klopp, stjóri liðsins, býst ekki við þeim í eldlínunni gegn Mainz á föstudag.
„Það yrði afar óvænt ef þeir spiluðu á föstudag. Þeir hafa verið að gera mjög flókna hluti á æfingum en þeir verða að gera þetta skref fyrir skref. Ég býst ekki við þeim á föstudag," sagði Klopp.
Athugasemdir