Hugo Ekitike er á leið til Liverpool
Liverpool og Eintracht Frankfurt hafa náð samkomulagi um kaup og sölu á franska sóknarmanninum Hugo Ekitike. Fabrizio Romano og Florian Plettenberg greina frá þessu á samfélagsmiðlum í dag.
Englandsmeistararnir greiða Frankfurt 78 milljónir punda og bætast 4 milljónir í bónusa ofan á grunnverðið.
Ekitike, sem er 23 ára gamall, fer í læknisskoðun hjá Liverpool á næstu dögum áður en hann skrifar undir sex ára samning við enska stórveldið.
Frakkinn skoraði 15 mörk og gaf 8 stoðsendingar í þýsku deildinni á síðustu leiktíð og alls komið að 29 mörkum í deildinni síðan hann kom frá Paris Saint-Germain fyrir einu og hálfu ári síðan.
Romano segir „Here we go!“ við félagaskiptin og má því fullyrða að þetta sé klappað og klárt.
Salan er sú næst stærsta í sögu Frankfurt og á möguleika á því að jafna hana, en Randal Kolo Muani var seldur frá félaginu til Paris Saint-Germain fyrir 95 milljónir evra árið 2023.
???????? BREAKING: Hugo Ekitike to Liverpool, here we go!
— Fabrizio Romano (@FabrizioRomano) July 20, 2025
Deal in place for fee over €90m for the French striker to join from Eintracht Frankfurt, potentially reaching €95m.
Six year deal for Ekitike, valid until June 2031; he only wanted Liverpool move.
New striker for Slot ???????? pic.twitter.com/iRbjZGz4Ob
Athugasemdir
