Marcus Rashford er á leið til Spánar til að ganga frá félagaskiptum sínum í spænska félagið Barcelona frá Manchester United á láni út tímabilið.
Barcelona setti sig í samband við Man Utd fyrir helgi og gekk frá samkomulagi við félagið á nokkrum klukkutímum.
Englendingurinn talaði um þann draum að spila fyrir Barcelona fyrr í sumar og samþykkti að taka á sig fimmtán prósent launalækkun til að ganga í raðir félagsins.
Börsungar munu greiða allan launakostnað Rashford sem nemur um 14 milljónum evra á ári ásamt leikjatengdum bónusgreiðslum.
Félögin hafa skrifað undir öll gögn og nú er Rashford á leið til Barcelona í læknisskoðun áður en hann skrifar undir lánssamninginn. Fabrizio Romano segir frá þessu á X.
Athugasemdir
