Lennon fékk rauða spjaldið undir lok leiksins gegn Víkingi en hann var sagður hafa fengið rautt spjald fyrir kjaftbrúk við Birki Sigurðarson aðstoaðrdómara.

„Í tilviki Lennon sagði hann "it's a f***ing joke" en dómarinn hafi skilið það sem "you are a f***ing joke", það er verið að segja á íslenskunni að þetta sé grín og þetta mistúlkaðist þannig að dómarinn taldi það eiga við um sig. Þetta er stór ákvörðun að taka en það sem við getum gert er að spila eins og prúðir menn og missa ekki út úr okkur ljót orð þegar við erum að spila knattspyrnu," sagði Ólafur Kristjánsson, þjálfari FH, í viðtali eftir leik.

FH hefur nú sýnt atvikið með myndavél frá bekknum þar sem búið er að texta atburðarásina. FH-ingar voru mjög ósáttir við dóminn og mótmæltu honum af krafti.

Rauða spjaldið þýðir að Lennon verður í banni gegn Val í næstsíðustu umferð Pepsi-deildarinnar á laugardaginn.

Hér að neðan má sjá myndbandið.