„Mér líður bara mjög vel. Ég er ánægður með þennan leik. Áttum að skora nokkur mörk í fyrri hálfleik, tvisvar í slá og tvisvar í stöng held ég án þess að það hafi farið inn. Ég held að það hafi aldrei gerst áður. En ég er ótrúlega glaður einsog ég segi að við skyldum halda hreinu og vinna leikinn. Ég er pínu hrærður. Mér finnst pínu svona skrítin tilfinning að ég sé ekki að fara vera með stelpunum lengur".

Hver tekur við? Hvernig gengur leitin af eftirmanni?
„Ég veit neitt um það. Skipti mér ekkert af því. Vonandi bara einhver stór góður því Þór/KA á það svo sannarlega skilið að fá góðan þjálfara fyrir þetta frábæra félagið. Stórkostlegt félag og sannur heiður og forréttindi að fá að vinna með þessum stelpum og öllum í kringum liðum."

Þegar það voru fjórir leikir eftir var tilkynnt í fjölmiðlum að Donni yrði ekki áfram með liðið eftir tímabilið. Voru það mistök að tilkynna það þá?
„Nei það var ekkert annað sem kom til greina. Það var farið að spyrjast um í bænum að ég væri að fara flytja. Konan mín var í vinnu og var að sækja um aðra vinnu í Svíþjóð. Það var ekkert flókið, það vissu allir að ég væri að flytja til Svíþjóðar. Þannig að þá held ég að það sé einfaldast að láta alla vita hvernig í pottinn var brotið. Það var ekkert hægt að gera það öðruvísi því það vissu allir af þessu hvort eð er. En ef ég hefði mátt velja það þá hefði ég hinsvegar ekkert að fara með það neitt fyrr en að tímabilið var búið. Ég þurfti að setja húsið á sölu og svo framvegis. Þannig að ef ykkur vantar hús á Akureyri.."

Markmiðið fyrir mót var stærra en 4.sætið. Hvað gekk ekki?
„Já klárlega, engin spurning. Það var allskonar sem dundi á í sumar sem við sáum ekki fyrir. Við vorum í tómu basli með markmannstöðuna. Bryndís greyið var í tómum vandræðum, var bara meidd í allt sumar og á endaði á því að hætta bara út af því. "

Nánar er rætt við Donna í sjónarpinu að ofan um vonbrigðin í ár, síðustu þrjú tímabil, Mexíkóana, framtíðina hjá Þór/KA og framhaldið í Svíþjóð.