Það er risastór helgi framundan í íslenska boltanum en lokaumferðin í Pepsi Max-kvenna fer fram þar sem Íslandsmeistaratitill fer á loft á Hlíðarenda eða í Árbænum. Grótta er þá í dauðafæri á að komast upp í Pepsi Max-deild karla.
FH í Evrópukeppni? - Grindavík berst fyrir lífi sínu
Í Pepsi Max-deild karla er mesta spennan um síðasta Evrópusætið og þá er Grindavík að berjast fyrir lífi sínu í deildinni.
KR og FH eigast við í hörkuleik á Meistaravöllum á sunnudag á meðan Grindavík mætir Val. Grindavík þarf að vinna til þess að eiga möguleika á að halda sér uppi en liðið er í 11. sæti með 19 stig, sex stigum á eftir Val, Víking og KA.
Grótta í dauðafæri - Hvaða lið fellur með Njarðvík?
Það er svakaleg lokaumferð framundan í Inkasso-deild karla en Fjölnir er þegar búið að tryggja sæti sitt í Pepsi Max-deildinni en nú er baráttan á milli Gróttu og Leiknis um að komast upp.
Grótta er í 2. sæti með 40 stig en Leiknir R. í 3 sæti með 37 stig en Grótta er með +10 í markatölu og Leiknir R. +8. Grótta mætir Haukum en Leiknir spilar við Fram.
Botnbaráttan er þá gríðarlega spennandi en fjögur lið eiga á hættu í að falla. Haukar, Afturelding og Magni eru öll með 22 stig en í næst neðsta sæti er Þróttur R. með 21 stig.
Magni náði á síðasta ári að halda sér uppi með að vinna ÍR í lokaleik umferðarinnar og er í svipuðum málum núna en liðið mætir Þór á Akureyri. Þróttur á erfitt verkefni gegn Aftureldingu sem vann Gróttu á dögunum.
Leiknir F, Vestri og Selfoss vilja öll upp í Inkasso
Baráttan um 2. deildina er dramatísk. Leiknir F. vann Vestra í síðustu umferð og kom sér í bílstjórasætið um titilinn en þrjú lið berjast um að komast upp.
Leiknir F. er í 1. sæti með 43 stig, Vestri með 42 stig í 2. sæti og Selfoss í 3. sæti með 41 stig. Selfoss heimsækir Kára á Akranes, Vestri spilar heima gegn botnliði Tindastóls og þá er nágrannaslagur milli Leiknis og Fjarðabyggðar.
Titilbarátta í Pepsi Max - Hvaða lið fer upp með Þrótti
Í Pepsi Max-deild kvenna er dæmið fremur einfalt. Keflavík og HK/Víkingur eru fallin og nú er það baráttan um Íslandsmeistaratitilinn.
Valur er í efsta sæti deildarinnar með 47 stig, tveimur stigum meira en Breiðablik. Valur mætir Keflavík á Origo-vellinum á laugardag á meðan Breiðablik fer í Árbæinn og mætir þar Fylki.
Í Inkasso-deildinni er Þróttur R. komið upp í Pepsi Max en liðið er með 42 stig og búið að vinna deildina. Það er hins vegar annað sætið sem er í boði fyrir þrjú lið FH, Tindastól eða Hauka.
FH er í 2. sæti með 36 stig, tveimur stigum á undan Tindastól sem er í 3. sætinu og þá eru Haukar í 4. sæti með 33 stig. FH er með bestu markatöluna eða +23 á meðan Tindastóll er með +11 og Haukar +13.
FH mætir Aftureldingu í Mosfellsbæ en Tindastóll á heimaleik gegn ÍA. Haukar spila gegn ÍR.
Leikir helgarinnar:
föstudagur 20. september
Pepsi-Max deild kvenna
19:00 HK/Víkingur-Þór/KA (Kórinn)
3. deild karla
16:30 Einherji-KF (Vopnafjarðarvöllur)
Inkasso deild kvenna
19:15 Afturelding-FH (Varmárvöllur - gervigras)
19:15 Haukar-ÍR (Ásvellir)
19:15 Tindastóll-ÍA (Sauðárkróksvöllur)
19:15 Augnablik-Fjölnir (Kópavogsvöllur)
19:15 Þróttur R.-Grindavík (Eimskipsvöllurinn)
laugardagur 21. september
Pepsi-Max deild kvenna
14:00 Valur-Keflavík (Origo völlurinn)
14:00 Fylkir-Breiðablik (Würth völlurinn)
14:00 Stjarnan-KR (Samsung völlurinn)
14:00 Selfoss-ÍBV (JÁVERK-völlurinn)
Inkasso deildin - 1. deild karla
14:00 Þróttur R.-Afturelding (Eimskipsvöllurinn)
14:00 Víkingur Ó.-Njarðvík (Ólafsvíkurvöllur)
14:00 Grótta-Haukar (Vivaldivöllurinn)
14:00 Keflavík-Fjölnir (Nettóvöllurinn)
14:00 Leiknir R.-Fram (Leiknisvöllur)
14:00 Þór-Magni (Þórsvöllur)
2. deild karla
14:00 Völsungur-Þróttur V. (Húsavíkurvöllur)
14:00 ÍR-KFG (Hertz völlurinn)
14:00 Víðir-Dalvík/Reynir (Nesfisk-völlurinn)
14:00 Kári-Selfoss (Akraneshöllin)
14:00 Fjarðabyggð-Leiknir F. (Eskjuvöllur)
14:00 Vestri-Tindastóll (Olísvöllurinn)
3. deild karla
14:00 Álftanes-Augnablik (Bessastaðavöllur)
14:00 Kórdrengir-KV (Framvöllur)
14:00 Vængir Júpiters-Sindri (Fjölnisvöllur - Gervigras)
14:00 Reynir S.-Skallagrímur (Europcarvöllurinn)
14:00 Höttur/Huginn-KH (Vilhjálmsvöllur)
sunnudagur 22. september
Pepsi Max-deild karla
14:00 Fylkir-Stjarnan (Würth völlurinn)
14:00 Víkingur R.-KA (Víkingsvöllur)
14:00 Grindavík-Valur (Mustad völlurinn)
14:00 HK-ÍA (Kórinn)
14:00 KR-FH (Meistaravellir)
14:00 ÍBV-Breiðablik (Hásteinsvöllur)
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir