Sagt var að hann þrái að fara aftur til Barcelona eftir þetta tímabil og sakni meðal annars Lionel Messi, Luis Suarez og Ivan Rakitic. Einnig var sagt að Neymar ætti erfitt með að gíra sig í leiki PSG í frönsku deildinni og að hann líti enn á Barcelona sem sitt félag.

Neymar var keyptur fyrir um 198 milljónir til PSG á síðasta ári en hann hefur verið orðaður við endurkomu til Katalóníu.

Það virðist hins vegar ekki mikið að marka þessar fréttir ef trúa má því sem Neymar segir.

Neymar tjáir sig um sögusagnirnar á Instagram. Þar birtir hann forsíðufrétt frá spænska dagblaðinu Mundo Deportivo og stimplar hann fréttina með stórum stöfum „fake news" eða „falsfréttir". Þetta er hugtak sem Donald Trump, Bandaríkjaforseti, hefur notað mikið.