Sancho hefur vakið mikla athygli.
Alfreð spilaði með Augsburg.
Reiss Nelson.
Borussia Dortmund er á toppnum í þýsku úrvalsdeildinni eftir mjög svo öruggan sigur á Stuttgart á útivelli í dag. Lokatölur urðu 4-0 fyrir Dortmund.
Englendingurinn efnilegi Jadon Sancho kom Dortmund eftir aðeins þrjár mínútur. Sancho, sem er fæddur árið 2000, hefur verið að vekja mikla athygli í þýska boltanum en hann kom þangað á síðasta ári. Hann yfirgaf Manchester City og fór til Dortmund. Sancho spilaði í síðustu viku sinn fyrsta A-landsleik fyrir England.
It just keeps getting better for @Sanchooo10 ✨⚽ pic.twitter.com/xneKDE8syo
— B/R Football (@brfootball) October 20, 2018
Marco Reus og hinn sjóðheiti Paco Alcacer bættu við mörkum fyrir Dortmund fyrir leikhlé. Alcacer er á láni hjá Dortmund frá Barcelona en Dortmund stefnir að því að kaupa hann næsta sumar.
Maximilian Philipp gerði fjórða mark Dortmund á 85. mínútu og lokatölur því 4-0.
Dortmund er á toppi deildarinnar með 20 stig en því næst koma erkifjendurnir í Bayern München með 16 stig. Bayern, sem hélt ansi athyglisverðan blaðamannafund í gær kláraði Wolfsburg á útivelli, 3-1.
Alfreð Finnbogason spilaði 58 mínútur í markalausu jafntefli Augsburg gegn RB Leipzig. Augsburg er í níunda sæti en RB Leipzig situr í þriðja sæti deildarinnar.
Bayer Leverkusen og Hannover gerðu líka jafntefli en sá leikur endaði 2-2.
Ekki bara Sancho sem er að springa út í Þýskalandi
Jadon Sancho er ekki eini ungi Englendingurinn sem er að standa sig vel í Þýskalandi því Reiss Nelson sem spilar með Hoffenheim er að líka að gera flotta hluti.
Nelson er fæddur 1999 en hann er á láni hjá Hoffenheim frá Arsenal. Nelson skoraði tvennu þegar Hoffenheim hafði betur gegn Nurnberg, 3-1.
Hoffenheim er í áttunda sæti. Nurnberg er í 14. sæti.
Hér að neðan eru úrslit og markaskorarar í þeim leikjum sem búnir eru í dag. Klukkan 16:30 er leikur Schalke og Werder Bremen.
Bayer 2 - 2 Hannover
0-0 Wendell ('7 , Misnotað víti)
0-1 Florent Muslija ('25 )
1-1 Lars Bender ('34 )
1-2 Felipe ('54 )
2-2 Karim Bellarabi ('90 )
Rautt spjald:Felipe, Hannover ('57)
Stuttgart 0 - 4 Borussia D.
0-1 Jadon Sancho ('3 )
0-2 Marco Reus ('23 )
0-3 Paco Alcacer ('25 )
0-4 Maximilian Philipp ('85 )
Augsburg 0 - 0 RB Leipzig
Wolfsburg 1 - 3 Bayern
0-1 Robert Lewandowski ('30 )
0-2 Robert Lewandowski ('48 )
1-2 Wout Weghorst ('63 )
1-3 James Rodriguez ('72 )
Rautt spjald:Arjen Robben, Bayern ('58)
Nurnberg 1 - 3 Hoffenheim
1-0 Hanno Behrens ('18 , víti)
1-1 Reiss Nelson ('50 )
1-2 Reiss Nelson ('57 )
1-3 Adam Szalai ('67 )
Athugasemdir
