Hann var spurður út í hvaðan skemmtilega gælunafnið, Vindurinn, kom.

„Gummi Ben er búinn að keyra þetta áfram. Ég þori ekki að fullyrða neitt en mér finnst eins og Baldur Aðalsteinsson hafi komið með þetta fyrst, þeir eiga kannski eftir að rífast um það en mig grunar að Baldur hafi komið með þetta fyrst en Gummi er búinn að keyra þetta í gegn í mörg ár. Ég er mjög hrifinn af því, gaman af þessu, skemmtilegt viðurnefni."

Hann segir frá því að nafnið hafi komið fyrst í kringum 2006 þegar Gummi kom í Val en hafi farið almennilega á flug þegar Gummi fór að nota það í lýsingum seinna meir.

Birkir hefur ekki aðeins gengist undir nafninu Vindurinn en hann fékk nafnið Megaviku Birkir eftir að hann skoraði fjöldan allan af mörkum í miðri Megaviku Dominos.

„Það kom ein vika, það var víst Megavika sem ég vissi ekki þá. Ég skoraði fjögur mörk á einni viku. Það voru einu mörkin mín á tímabilinu. Þetta var látið líta út eins og ég væri einhver rosa markaskorari en þetta kom allt í einni viku. Svo kom mark í landsleik rétt á eftir, ég var heitur á þessum tímapunkti, fyndið að það hafi verið í Megaviku, nú búast allir við mörkum þegar Megavikan kemur."