Georgíumaðurinn Khvicha Kvaratskhelia fer ekki frá Napoli í janúarglugganum en þetta staðfestir Cristiano Guintoli, yfirmaður íþróttamála hjá félaginu, í viðtali við SportExpress.
Enska úrvalsdeildarfélagið Newcastle United var sagt undirbúa tilboð í Kvaratskhelia, sem hefur fengið viðurnefnið „Kvaradona“ fyrir magnaða frammistöðu sína með Napoli.
Napoli ætlar ekki að selja einn besta leikmann liðsins og kemur ekki til greina að hann fari í janúar.
Hann er ósnertanlegur að mati Napoli og getur Newcastle því leitað annað.
„Nei, það er ekki fræðilegur að við leyfum honum að fara. Hann verður áfram hjá okkur sama hvað,“ sagði Guintoli.
Síðan hann samdi við Napoli hefur hann skorað 8 mörk og lagt upp tíu.
Athugasemdir