Mbappe er 24 ára í dag
Kylian Mbappe.
Kylian Mbappe endaði sem markahæsti leikmaðurinn á HM í Katar. Hann skoraði átta mörk á mótinu.
Hann skoraði þrennu í úrslitaleiknum gegn Argentínu, en það var ekki nóg. Leikurinn endaði 3-3 og fóru Argentínumenn með sigur af hólmi í vítaspyrnukeppni.
Þetta var fyrsta þrennan sem er skoruð í úrslitum HM síðan Geoff Hurst gerði það með Englendingum svo eftirminnilega á HM 1966.
Mbappe hefur átt magnaðan feril þrátt fyrir að vera bara 24 ára. Hann á afmæli í dag.
Tölfræði hans er mögnuð. Hann er fimm mörkum frá því að vera markahæsti leikmaður í sögu HM, hann er 18 mörkum frá því að vera markahæsti leikmaður í sögu Frakklands og ellefu mörkum frá því að vera markahæsti leikmaður í sögu Paris Saint-Germain.
Rætt var um það í síðasta þætti HM hringborðsins hvort talað yrði um Mbappe sem besta fótboltamann sögunnar þegar hann setur skóna á hilluna. Hann á nóg eftir og á eftir að gera magnaða hluti. Enginn vafi liggur á því.
Kylian Mbappe turns 24 today.
— Zach Lowy (@ZachLowy) December 20, 2022
He's 5 goals away from becoming the all-time leading scorer in the history of the World Cup.
He's 18 goals away from becoming France's all-time leading scorer.
He's 11 goals away from becoming PSG's all-time scorer. pic.twitter.com/J9FkXRONtr
Athugasemdir
