Crystal Palace vann öflugan 2-3 sigur á Arsenal á Emirates vellinum í dag.

Christian Benteke kom gestunum á bragðið áður en Mesut Özil jafnaði leikinn á 47. mínútu. Wilfried Zaha kom gestunum aftur yfir og James McArthur kom liðinu í 1-3 á 69. mínútu. Þegar um stundarfjórðungur lifði leiks skoraði Pierre-Emerick Aubameyang lokamark leiksins fyrir Arsenal.

Hér að neðan eru einkunnir leikmanna. Þar er helst að Shkodran Mustafi fékk þrjá í einkunn.

Unai Emery reyndi að verja sinn mann í viðtali eftir leik.

„Hann getur spilað mjög vel. Ég vil heldur tala um stöðugleika hans á tímabilinu," sagði Emery um Mustafi eftir leik.

„Við hjálpuðum þeim að eiga góðan dag og þá er erfitt að verjast þeim. Heilt á litið finnst mér Mustafi hafa sýnt stöðugleika."