Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 21. apríl 2020 19:00
Elvar Geir Magnússon
Áætlað að bikarúrslitaleikurinn verði í nóvember
Verður kuldalegt á bikarúrslitaleiknum í ár?
Verður kuldalegt á bikarúrslitaleiknum í ár?
Mynd: Fótbolti.net - Hafliði Breiðfjörð
Stefnt er á að keppni í Pepsi Max-deild karla hefjist um 14. júní og líklegt er að keppni í deildinni verði út október eins og greint var frá í dag.

Keppni hefst seinna og leikið þéttar vegna kórónaveirufaraldursins og tilskipun frá yfirvöldum.

Umræða var um hvort mögulega þyrfti að sleppa bikarkeppninni þetta árið en það er ekki ætlunin.

Samkvæmt plani sem nánar verður kynnt í vikunni verður forkeppni Mjólkurbikarsins í byrjun júní og 32-liða úrslit í lok þess mánaðar. 16-liða úrslit eiga að vera í lok júlí, 8-liða úrslit í september og undanúrslit um miðjan október.

Samkvæmt nýju plani er bikarúrslitaleikurinn sjálfur settur á laugardaginn 7. nóvember. Líklegt er að áhorfendur þurfi að mæta vel klæddir í stúkuna.

Mögulegt er að breytingar verði á þessari áætlun KSÍ, meðal annars ef frekari frestanir verða á landsleikjum en stefnt er á landsleikjaglugga í september og október.
Athugasemdir
banner
banner
banner
banner