Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   þri 21. apríl 2020 09:17
Magnús Már Einarsson
Misvísandi sögur um Kane og Man Utd
Powerade
Harry Kane er mikið í slúðrinu þessa dagana.
Harry Kane er mikið í slúðrinu þessa dagana.
Mynd: Getty Images
Arsenal vill fá Thomas Partey.
Arsenal vill fá Thomas Partey.
Mynd: Getty Images
Ensku slúðurblöðin halda áfram að grafa upp slúður fyrir sumarið. Njótið!



Manchester United getur ekki keypt jafn dýran leikmann og Harry Kane (26) frá Tottenham þar sem félagið þarf að endurskoða fjárhagsáætlun sína vegna kórónuveirunnar. (Guardian)

Jose Mourinho, stjóri Tottenham, er með Raul Jimenez (28) framherja Wolves efstan á óskalista sínum ef að Kane fer annað. (Star)

Veðbankar telja líklegast að Kane fari til Manchester United sem og Jadon Sancho (20) kantmaður Dortmund. (Evening Standard)

Kylian Mbappe (21) gæti verið verðmetinn á 35 milljónir punda eftir niðursveifluna sem verður í fótboltanum eftir kórónuveiruna að sögn fyrrum meðlimis í Evrópuráðinu. Mbappe hefur áður verið orðaður við Real Madrid á 250 milljónir punda. (Mirror)

Thomas Partey (26) miðjumaður Atletico Madrid er á óskalista Arsenal. Atletico Madrid vonast hins vegar til að gera nýjan samning við leikmanninn. (Express)

Atletico Marid hefur boðið Partey nýjan fimm ára samning sem tvöfaldar laun hans. (Guardian)

Manchester City ætlar að berjast við Barcleona, Inter og Real Madrid og um Pierre-Emerick Aubameyang (30) leikmann Arsenal en hann verður samningslaus eftir rúmt ár. (Express)

Manchester United hefur ekki lengur áhuga á James Rodriguez (28) miðjumanni Real Madrid. Arsenal og Everton eru áhugasöm. (Sky Sports)

David Silva (34) miðjumaður Manchester City er í viðræðum við sitt fyrrum félag Valencia en kórónaveiran gæti sett strik í reikninginn í samningaviðræðunum. (Manchester Evening News)

Chelsea er að missa af Alex Telles (27) vinstri bakverði Porto en PSG er að kaupa hann á 21,8 milljón punda. Líklegt þykir að Chelsea reyni að fá Ben Chilwell (23) frá Leicester í staðinn. (Sun)

Kalidou Koulibaly (28), varnarmaður Napoli, segist vera spenntari fyrir því að fara til Englands heldur en Frakklands en hann hefur verið orðaður við bæði Manchester City og PSG. (Le10Sport)

Steve Bruce, stjóri Newcastle, fær tíma út tímabilið til að sýna að hann geti komið liðinu í Evrópubaráttu hjá nýjum eigendum félagsins. Mauricio Pochettino hefur verið orðaður við stjórastöðuna. (Sun)
Athugasemdir
banner
banner
banner
banner