Arsenal staðfesti í gær að leikmenn aðalliðsins væru búnir að samþykkja 12,5% launalækkun í tólf mánuði vegna kórónuveirunnar.
Laun leikmanna munu þó hækka aftur ef vel gengur á tímabilinu þar sem ýmsir auka bónusar hafa verið settir inn í tilraun til að hvetja menn áfram eftir ansi súrt tímabil.
David Ornstein, ritstjóri hjá The Athletic, heldur því fram að aðeins 25 leikmenn af þeim 27 sem eru í leikmannahópi Arsenal hafi samþykkt þessa launaskerðingu.
Ornstein segir að leikmennirnir tveir sem höfnuðu þessari launalækkun munu ekki vera nafngreindir af félaginu. Þeir halda sínum launum áfram að fullu.
Athugasemdir