Pepe er 23 ára gamall framherji frá Fílabeinsströndinni en hann var í lykilhlutverki á leiktíðinni og skoraði 22 mörk fyrir Lille í deildinni.

Hann hjálpaði liðinu að tryggja sér þátttökurétt í Meistaradeild Evrópu og hefur vakið áhuga frá mörgum stórliðum í Evrópu.

Arsenal, Manchester United og Liverpool hafa fylgst vel með honum en Galtier hefur staðfest að Pepe fer frá félaginu í sumar.

„Pepe fer í sumar. Svona er lífið og fótboltinn er bara svona í dag," sagði Galtier.

„Hann er í hæsta gæðaflokki og þarf nú að vanda valið vel og það verður hart barist um hann. Hann hefur góðan tíma til að fræðast um liðin og skoða sín mál," sagði hann í lokin.