Hólmfríður Magnúsdóttir var hetja Selfyssinga þegar hún skoraði sigurmark liðsins gegn Keflavík í Pepsi Max-deild kvenna í kvöld.
Hólmfríður kom inná sem varamaður þegar 25 mínútur voru eftir af venjulegum leiktíma.
Hólmfríður kom inná sem varamaður þegar 25 mínútur voru eftir af venjulegum leiktíma.
Lestu um leikinn: Selfoss 3 - 2 Keflavík
„Hann sagði mér bara að koma sterk inn, sem og ég gerði. Við mættum eiginlega ekki til leiks í fyrri hálfleik og á sama tíma voru Keflvík mjög sterkar. Það var bara eins gott að við komum brjálaðar út í síðari hálfleik og náðum að klára þetta," sagði Hólmfríður eftir leik.
„Mér fannst þær mjög góðar í fyrri hálfleik en við vorum betri í seinni hálfleik. Ég er mjög sátt við stigin þrjú."
Hólmfríður segir að Alfreð, þjálfari Selfyssinga, hafi ekki verið neitt sérstaklega sáttur í hálfleiksræðunni enda Selfyssingar gjörsamlega á hælunum.
„Ég skrapp aðeins á klósettið í hálfleik og ég þorði eiginlega ekki að kíkja inn í hinn klefann. Alfreð var alveg brjálaður, og þær áttu það alveg skilið. Þær mættu ekki til leiks eins og þær áttu að gera."
Eitthvað er í það að Hólmfríður geti farið að byrja leiki.
„Ég er bara á fjórðu viku undirbúningstímabilsins en ég er búinn að vera að auka álagið jafnt og þétt í hverri viku. Líkaminn er að taka vel í það."
Viðtalið við Hólmfríði má sjá hér í spilaranum að ofan.
Athugasemdir