Breiðablik er með fullt hús stiga í Pepsi Max-deild kvenna eftir 4-1 sigur á Þór/KA í 4. umferð í kvöld en leikurinn fór fram á Þórsvellinum á Akureyri.

Hildur Antonsdóttir kom Blikum á bragðið á 28. mínútu með föstu skoti í slá og inn áður en Agla María Albertsdóttir bætti við öðru sex mínútum síðar.

Berglind Björg Þorvalsdóttir skoraði svo þriðja markið á 53. mínútu áður en Sandra Stephany Mayor Gutierrez minnkaði muninn fimmtán mínútum síðar.

Það var síðan Áslaug Munda Gunnlaugsdóttir sem gerði út um leikinn og gulltryggði sigur Blika á 81. mínútu.

Þessi lið hafa barist hart um titilinn síðustu ár en Blikar unnu deildina fyrir lokaumferðina í fyrra.

Breiðablik er nú með fullt hús stiga eftir fjórar umferðir, líkt og Valur en Þór/KA í 5. sæti með 6 stig.

Hægt er að lesa nánar um leikinn hér fyrir neðan en hann var auðvitað í beinni textalýsingu á Fótbolta.net.

Þór/KA 1 - 4 Breiðablik - Textalýsing