HK tóku á móti Skagamönnum í kvöld í Kórnum og töpuðu þar með einu marki gegn þremur mörkum ÍA. Brynjar Björn Gunnarsson, þjálfari HK fannst leikurinn skrýtinn.
„Mér fannst leikurinn skrýtinn. Við vorum mikið með boltann, sérstaklega í seinni hálfleik. Við fengum töluvert af færum, fleiri vissulega í fyrri hálfleik en fengum nóg af færum í seinni hálfleik til að skora mark. ÍA átti eina sókn í seinni hálfleik og fyrirgjöf og boltinn fer í markið, 2-1 og einhvern veginn verjumst við ekki nógu vel. Uppúr því var erfitt."
„Mér fannst leikurinn skrýtinn. Við vorum mikið með boltann, sérstaklega í seinni hálfleik. Við fengum töluvert af færum, fleiri vissulega í fyrri hálfleik en fengum nóg af færum í seinni hálfleik til að skora mark. ÍA átti eina sókn í seinni hálfleik og fyrirgjöf og boltinn fer í markið, 2-1 og einhvern veginn verjumst við ekki nógu vel. Uppúr því var erfitt."
Lestu um leikinn: HK 1 - 3 ÍA
Hvernig var leikplan HK-inga fyrir leikinn?
„Að vinna leikinn, það var einfalt. Nýta færin,við vorum búnir að skapa töluvert af færum í síðustu leikjum og töldum okkur að mörgu leyti búnir að gera nóg til að skora fleiri mörk og gerðum það í dag líka en einhverra hluta vegna er erfitt fyrir okkur að koma boltanum yfir línuna síðustu daga. Það er ekkert annað hægt að gera en að halda áfram og reyna að spila betu rog vinna leiki."
HK er aðeins komið með 2 stig í deildinni og var Brynjar var spurður út í hvert markmið þeirra verður í deildinni í sumar. Hann segir þá verða að gera betur.
„Markmiðið er bara næsti leikur á móti KR á þriðjudag. Við þurfum ekkert að horfa lengra en það og það sem er búið er bara búið, við breytum því ekki. Þetta er staðan sem við verðum að vinna út frá og við höfum gert það áður, við höfum reynslu í því en staðan er að við verðum að gera betur í þeim leikjum sem eftir er."
Næsti leikur HK er gegn KR á Meistaravöllum á þriðjudaginn kemur. Brynjar segir HK tilbúna í slaginn.
„Já, ég gæti farið í Vesturbæinn núna bara klár þannig að það er ekkert mál."
Viðtalið í heild sinni má finna í sjónvarpinu hér að ofan.
Athugasemdir