„Það var margt mjög jákvætt í þessum leik en mörk breyta leikjum og þetta eru tvær aukaspyrnur og eitt fast leikatriði. Það er mjög súrt," sagði Gunnar Einarsson þjálfari Víkings Ólafsvík eftir 1 - 3 tap gegn Kórdrengjum í Lengjudeild karla í kvöld.
Lestu um leikinn: Víkingur Ó. 1 - 3 Kórdrengir
„Heilt yfir spiluðum við mjög vel og við áttum skilið meira. Við verðum að byggja ofan á þetta. Við byrjuðum ekki mótið eins og við viljum byrja það og eigum helling inni. Við verðum að horfa fram á við og ég var mjög ánægður með framlag leikmanna í leiknum. Það á að vera heilt yfir nóg til þess að vinna og fá einhverja punkta."
„Þegar 10 mínútur eru búnar af leiknum er búið að skjóta einn á móti markmanni rétt yfir, skjóta í stöngina og hann rennur með línunni og út hinum megin. Við hefðum hæglega geta verið komnir í 2-0 eða 1-0. Þetta var súrt."
Nánar er rætt við Gunna í sjónvarpinu að ofan. Þar segir hann meðal annars:
„Þetta er ógeðslega súrt en við erum engin fórnarlömb. Svona er fótboltinn og við verðum að taka það góða út úr þessum leik og sigla með það til Vestmannaeyja og mæta þeim eins og fífldjarfir og ákveðnir leikmenn sem vilja taka þrjú stig."
Athugasemdir
