ÍA vann HK í dag 1-3 í Kórnum í Pepsi Max deild karla. HK-ingar komust yfir snemma leiks með marki frá Arnþóri Ara Atlasyni en skagamenn komu til baka og skoruðu þrjú mörk. Jóhannes Karl Guðjónsson sagðist vera sáttur með frammistöðu sinna manna.
„Ég var mjög ánægður með frammistöðuna, við hefðum getað spilað betur með boltann en fyrst og fremst agaður varnarleikur, mikil vinnusemi, mikið sem menn voru tilbúnir að leggja á sig og mér fannst við vera yfir í baráttunni í heildina í leiknum og ég held að það hafi verið það sem skóp þennan sigur fyrir okkur."
„Ég var mjög ánægður með frammistöðuna, við hefðum getað spilað betur með boltann en fyrst og fremst agaður varnarleikur, mikil vinnusemi, mikið sem menn voru tilbúnir að leggja á sig og mér fannst við vera yfir í baráttunni í heildina í leiknum og ég held að það hafi verið það sem skóp þennan sigur fyrir okkur."
Lestu um leikinn: HK 1 - 3 ÍA
Hallur Flosason fékk rautt spjald undir lok leiks og er það þriðja rauða spjald Skagamanna í 5 leikjum í mótinu. Jói segir þeir hafi verið óheppnir með sum spjöldin.
„Ég held að við höfum verið pínu óheppnir í hluta af þessum spjöldum. Þrjú rauð spjöld er náttúrulega allt of mikið og ekki eitthvað sem við erum að leggja upp með. Einhver skipti fannst mér fyrra gula spjaldið í eitthvað af þessum þremur ekki vera réttlætanlegt en bæði skiptin hafa seinni gulu verið réttlætanleg þannig þegar að uppi er staðið eru þetta sanngjörn rauð spjöld."
Næsti leikur ÍA verður gegn Breiðablik þann 24. maí og segir Jóhannes að sínir menn séu klárir í næsta leik.
„Það er stutt á milli leikja núna og Blikarnir eru með frábært lið og verða erfiðir að eiga við en þeir eru að koma upp á Skaga og við verðum líka mjög erfiðir að eiga við. Við erum klárir í næsta leik alveg klárlega."
Viðtalið í heild sinni má finna í sjónvarpinu hér að ofan.
Athugasemdir
