Fjölnir heimsótti Grindavík suður með sjó og vann þar sterkan sigur eftir markalausan fyrri hálfleik.

Ragnar Leósson kom Fjölnismönnum yfir snemma í seinni hálfleiknum og Hilmir Rafn Mikaelsson, sem er fæddur árið 2004, bætti við marki tveimur mínútum síðar. „Hilmir Rafn fær boltann og á eftir að gera helling. Keyrir í átt að marki og fer fram hjá hverjum varnarmanninum á fætur öðrum áður en hann leggur boltann snyrtilega framhjá Aroni í markinu," skrifaði Sverrir Örn Einarsson í beinni textalýsingu þegar Hilmir skoraði.

Fjölnir er með níu stig eins og Fram en eftir þriðju umferðina gætu þrjú lið verið með fullt hús stiga. Vestri á eftir að spila sinn leik en þeir eru með sex stig. Grindavík hefur núna tapað tveimur í röð eftir sigur á ÍBV í fyrsta leik.

Þróttur Reykjavík náði í sín fyrstu stig í sumar þegar þeir fengu Selfoss í heimsókn í Laugardaalnum. Hrvoje Tokic minnkaði muninn í 2-1 úr vítaspyrnu á 63. mínútu en Þróttur gekk frá leiknum þegar Hafþór Pétursson skoraði á 89. mínútu.

Núna eru fimm lið með þrjú stig eftir þrjá leiki, þar á meðal bæði Þróttur og Selfoss.

Víkingur Ólafsvík hefur ekki litið vel út í upphafi tímabils en þeir eru án stiga. Þeir töpuðu á heimavelli, 1-3, gegn Kórdrengjum í kvöld. Miðverðirnir Davíð Þór Ásbjörnsson og Loic Ondo sáu um markaskorun fyrir Kórdrengi í kvöld en staðan var 3-0 í hálfleik.

Ólsarar klóruðu aðeins í bakkann í seinni hálfleiknum og lokatölur 1-3. Kórdrengir eru með fjögur stig í fjórða sæti.

Þróttur R. 3 - 1 Selfoss
1-0 Daði Bergsson ('21 )
2-0 Lárus Björnsson ('61 )
2-1 Hrvoje Tokic ('63 , víti)
3-1 Hafþór Pétursson ('89 )
Lestu nánar um leikinn

Grindavík 0 - 2 Fjölnir
0-1 Ragnar Leósson ('57 )
0-2 Hilmir Rafn Mikaelsson ('59 )
Lestu nánar um leikinn

Víkingur Ó. 1 - 3 Kórdrengir
0-1 Loic Cédric Mbang Ondo ('19 )
0-2 Davíð Þór Ásbjörnsson ('27 )
0-3 Davíð Þór Ásbjörnsson ('41 )
1-3 Harley Bryn Willard ('80 , víti)
Lestu nánar um leikinn

Önnur úrslit í dag:
Lengjudeildin: Fram og ÍBV með stórsigra - ÍBV komið á blað