Annað skiptið sem þeir vinna tvo fyrstu leiki sína - Síðast fór Króatía í undanúrslit
Króatar fóru illa með Argentínu í kvöld í D-riðli heimsmeistaramótsins. Króatía vann 3-0.
Með sigrinum eru Króatar komnir í 16-liða úrslit en Ísland, Nígería og Argentína munu keppast um eitt laust sæti í 16-liða úrslitum með Króötum. Þar standa Íslendingar best að vígi.
Sigurinn í kvöld var sögurlegur fyrir Króata en þetta er fyrsti sigurleikur þjóðarinnar á liði frá Suður-Ameríku á HM.
Fyrir leikinn í kvöld höfðu Króatar leikið fjóra leiki við Suður-Ameríkuþjóðir án sigurs en sigurinn kom loksins í kvöld.
Einnig er þetta í annað skipti sem Króatía vinnur fyrstu tvo leiki sína á HM.
Síðast gerðist það árið 1998 en þá komst liðið alla leið í undanúrslit.
Athugasemdir