Það er gríðarleg öryggisgæsla í Rússlandi vegna HM í fótbolta en þeir Íslendingar sem Fótbolti.net hefur rætt við segjast finna fyrir miklu öryggi í landinu.
Öryggisgæslan er þó með öðrum hætti en hún var í Frakklandi enda var búið að lýsa yfir neyðarástandi í landinu í kjölfar hryðjuverka. Hermenn og skriðdrekar eru ekki eins áberandi.
Öryggisgæslan er þó með öðrum hætti en hún var í Frakklandi enda var búið að lýsa yfir neyðarástandi í landinu í kjölfar hryðjuverka. Hermenn og skriðdrekar eru ekki eins áberandi.
Gæslan í kringum landslið Íslands er mjög mikil og vopnaðir lögreglumenn fyrir utan hótelið.
„Áður en maður fer á svið þá á maður moment. Maður fær sér vatn, pissar og gerir sig kláran. Það moment átti sér stað þar sem voru gæjar með vélbyssur að reykja sígarettur. Ég átti það moment á einhverju klósetti sem var eins og Call of duty dæmi," sagði skemmtikrafturinn Bergur Ebbi sem heimsótti hótel Íslands til að skemmta strákunum okkar.
Óeinkennisklæddir lögreglumenn fylgja strákunum alltaf þegar þeir eru meðal almennings, hvort sem þeir kíkja í göngutúr út í bæ eða eru að ferðast milli borga og í leiki. Þeir eru klæddir eins og hefðbundnir Rússar en eru tilbúnir að grípa inn í ef á þarf að halda.
„Rússar eru á svipuðu stigi og Frakkarnir voru með sínar varnir, en þeir eru greinilega með öflugri löggæslu en Frakkar og hafa ekki þurft að nota herinn í þessa gæslu eins og Frakkarnir gerðu. Þetta er mjög sambærilegt að mörgu leyti en ásýndin aðeins öðruvísi," sagði öryggisstjórinn Víðir Reynisson við mbl.is í vikunni.
Athugasemdir