Lionel Messi, annar af tveimur bestu leikmönnum heims hefur ekki gert neinar gloríur á þessu heimsmeistaramóti á meðan aðal keppinautur hans, Cristiano Ronaldo er á eldi og kominn með fjögur mörk.
Messi hefur ekki enn skorað á mótinu þótt svo hann hafi svo sannarlega fengið tækifæri til þess.
Messi hefur tekið 12 skot á HM en enginn annar leikmaður hefur tekið jafn mörg skot og hann á mótinu.
Ellefu af þessum skotum Messi komu gegn Íslandi, þar á með vítaspyrnan sem Hannes Þór Halldórsson varði með glæsibrag.
Messi tók aðeins eitt skot í leiknum í kvöld og kom það ekki fyrr en á 64. mínútu.
Athugasemdir