Heimild: Daily Mail
Fernando Torres staðfesti í dag að hann myndi leggja skóna á hilluna eftir frábæran 18 ára feril.
Hinn 35 ára gamli Spánverji gerði það gott hjá Liverpool í ensku deildinni áður en hann fór til Chelsea árið 2011.
Á tímabilunum 2007 til 2010 skoraði Torres 0,84 mörk hverjar 90 mínútur án þess þó að telja vítaspyrnur með.
Til að bera saman við aðra sóknarmenn sem hafa gert garðinn frægan í ensku deildinni þá var Thierry Henry með 0,73 og Alan Shearer með 0,71 mörk hverjar 90 mínútur á þeirra þrem bestu tímabilum í deildinni.
Torres kláraði sitt síðasta tímabil með japanska liðinu Sagan Tosu eftir að hafa gengið í raðir þeirra frá Atletico Madrid árið 2018.
Athugasemdir
