Lestu um leikinn: Fjölnir 0 -  0 Grindavík

Ray Anthony þjálfari Grindavíkur var nokkuð sáttur með stigið í dag
"Það voru færi báðum megin. Við hittum þó tvisvar í slánna sem var svekkjandi að skora ekki úr. En líklega bara sanngjarnt í lokin."

Hann segist nokkuð ánægður með sumarið það sem komið er "Það er stígandi í liðinu og við héldum hreinu sem var markmiðið í dag. Við eigum vonandi eftir að vaxa meira og meira í sumar."

Aðspurður hvort markmið sumarsins sé að komast upp í Pepsi-deildina hafði hann þetta að segja: "Við reynum það auðvitað en markmiðið er að byggja upp og búa til einhvern kjarna í Grindavík og byggja ofan á það."

Næsti leikur Grindavíkur er gegn ÍR 3. júlí. Það leggst ágætlega í Ray Anthony "Við spiluðum við þær í vetur og þær hafa kannski ekki sýnt sitt rétta andlit í sumar því þetta er ágætis lið. Það er sýnd veiði en ekki gefin."