B-riðill
Í B-riðli skildu KFR og Kormákur/Hvöt, en þessum liðum er spáð sjötta og þriðja sæti riðilsins. KFR náði forystunni á 68. mínútu, en Kormákur/Hvöt jafnaði snögglega. Bæði lið voru að spila sinn fyrsta leik í riðlinum.

KFR 1 - 1 Kormákur/Hvöt
1-0 Ævar Már Viktorsson ('68)
1-1 Sjálfsmark ('72)

C-riðill
Ísbjörninn vann þægilegan sigur á Samherjum í C-riðlinum. Milos Bursac og Ronald Andre Olguín González skoruðu í fyrri hálfleiknum og gulltryggði Rui Pedro De Jesus Pereira sigurinn í seinni hálfleiknum fyrir Ísbjörninn. Ekki góð ferð í höfuðborgina fyrir Samherja. Ísbjörninn er með fjögur stig, en Samherjar eru án stiga eftir tvo leiki.

Ísbjörninn 3 - 0 Samherjar
1-0 Milos Bursac ('35)
2-0 Ronald Andre Olguín González ('45)
3-0 Rui Pedro De Jesus Pereira ('59)

D-riðill
Hörður frá Ísafirði gerði hins vegar góða ferð í höfuðborgina þegar liðið vann sigur á Mídasi á Víkingsvelli. Sigurður Arnar Hannesson gerði þrennu fyrir Hörð, sem er með þrjú stig eftir tvo leiki, en liðið tapaði 4-0 gegn Árborg á föstudaginn síðasta. Mídas er með eitt stig eftir tvo leiki.

Mídas 2 - 4 Hörður Í
0-1 Sigurður Arnar Hannesson ('8)
1-1 Jón Kristófer Stefán Jónsson ('14)
1-2 Davíð Hjaltason ('61)
1-3 Sigurður Arnar Hannesson ('68)
2-3 Sigurður Ólafur Kjartansson ('74)
2-4 Sigurður Arnar Hannesson ('76)