Eggert Gunnþór Jónsson komst á blað í 2-1 sigri SönderjyskE á Silkeborg í dönsku úrvalsdeildinni í dag. Silkeborg er fallið niður í B-deildina.
Silkeborg þurfti á stigum að halda í dag til að eiga vona á að halda sér uppi og var útlitið þokkalegt er Mads Emil Madsen skoraði á 14. mínútu.
Heimamenn misstu mann af velli á 68. mínútu er Kees Luijckx fékk rauða spjaldið. SönderjyskE nýtti sér það og jafnaði Eggert Gunnþór metin sex mínútum síðar. Honum var síðan skipt af velli tveimur mínútm eftir markið.
SönderjyskE fékk vítaspyrnu undir lok leiks og skoraði liðið örugglega úr henni og sendi Silkeborg niður um deild um leið.
Silkeborg er því fallið niður í B-deildina á meðan SönderjyskE er með 33 stig í fallriðlinum og í góðum möguleika á að ná umspili um Evrópusæti.
Athugasemdir