Jón Dagur Þorsteinsson fór á kostum þegar AGF vann topplið Midtjylland í dönsku úrvalsdeildinni.
Jón Dagur gerði sér lítið fyrir og skoraði þrennu í 4-3 útisigri gegn Mikael Neville Anderson og félögum í Midtjylland. Jón Dagur lék allan leikinn fyrir AGF, en Mikael Neville var ekki með Midtjylland í dag.
Jón Dagur kom AGF í 1-0, en AGF missti svo frá sér forystuna og komst Midtjylland í 3-1 snemma í seinni hálfleik. Þá tók Jón Dagur, sem er 21 árs gamall, yfir leikinn. Hann skoraði tvö og jafnaði metin fyrir AGF. Það var ekki nóg með því hann lagði upp sigurmarkið í uppbótartímanum.
Algerlega stórkostlegur leikur hjá Jóni Degi. AGF er í þriðja sæti dönsku úrvalsdeildarinnar, en Midtjylland er eins og áður segir á toppnum og er þar með afgerandi forystu.
This was against the best team in Denmark. Keep an eye on this kid. https://t.co/VQXUJE0CtC
— Philip O'Connor (@philipoconnor) June 21, 2020
Góð helgi fyrir HK akademíuna, bæði að heiman og úti.
— Andri Valgeirsson (@andrivalg) June 21, 2020
Athugasemdir