Howe segir forskotið sem er að spila á heimavelli alveg vera farið þar sem engir áhorfendur eru leyfðir. Hann segir það í raun verra að spila á heimavelli heldur en útivelli.

„Á þessum velli hjálpar andrúmsloftið virkilega mikið og sérstaklega þegar þarf að elta eins og í leiknum í dag. Sögulega hafa stuðningsmenn okkar hjálpað leikmönnum þegar kemur að frammistöðu sinni," sagði Howe í viðtali eftir leikinn í gær.

„Mark frá okkur hefði breytt leiknum en það kom aldrei. Mín tilfinning er það sé núna verra að vera heimaliðið heldur en gestaliðið. Fyrir mér er enginn vafi á því. Vonandi virkar það eins á heimaliðið þegar við mætum næst á útivöll."

„Í dag byrjuðum við illa og töpuðum þess vegna. Aukaspyrna Luka var mjög góð en við erum svekktir að fá hana okkur. Palace er mjög erfitt lið að spila á móti," sagði Howe að lokum.