Leikmenn Dynamo fóru í skimun í gær og bárust niðurstöðurnar í dag og kom þar í ljós að þrír leikmenn hefðu greinst með kórónaveiruna.

Því var ákveðið að fresta leiknum í dag en hann verður spilaður þann 19. júlí.

Jón Guðni Fjóluson leikur með Krasnodar en liðið er í harðri baráttu um Meistaradeildarsæti í deildinni.

Niðurstaðan kemur á óvart í ljósi þess að Rostov neyddist til að spila gegn Sochi á föstudag. Allt lið Rostov var í sóttkví vegna veirunnar og fór það svo að Sochi vann 10-1 en liðið hafnaði beiðni Rostov um að fresta leiknum.