Atli Barkarson var mættur á línuna í dag
Atli Barkarson, leikmaður Víkings R. í Pepsi Max-deildinni, er margt til lista lagt en hann starfaði sem línuvörður í 4-0 sigri Keflavíkur á Völsungi í Lengjudeild kvenna í dag.
Atli er fæddur árið 2001 og kom til Víkings R. frá Fredrikstad fyrir tímabilið en hann var á tréverkinu er Víkingur gerði markalaust jafntefli við KA í gær.
Leikurinn fór fram á Akureyri en Atli er sjálfur uppalinn á Húsavík og spilaði upp yngri flokka með Völsungi og á þá 9 leiki og 2 mörk að baki fyrir meistaraflokk félagsins.
Hann var að æfa á Húsavíkurvelli áður en leikur Völsungs og Keflavíkur átti að fara fram í Lengjudeild kvenna. Það voru forföll í dómaratríóinu og var hann því beðinn um að taka þetta að sér, sem og hann gerði.
Atli á 29 leiki og 4 mörk að baki fyrir yngri landslið Íslands.
Sjá einnig:
Atli er tilbúinn í samkeppni - Landsliðsferð fór illa í þjálfara Fredrikstad
Athugasemdir
