Mikil spenna er að færast í toppbaráttu 2. deildar karla þar sem Afturelding heldur áfram að missa niður forystuna.
Afturelding tapaði í dag toppslagnum gegn Völsungi og er aðeins búið að fá sex stig af síðustu fimmtán mögulegum.
Andri Freyr Jónasson kom Aftureldingu yfir í Mosfellsbæ en Elvar Baldvinsson jafnaði fyrir leikhlé. Travis Nicklaw gerði svo sigurmark Húsvíkinga í síðari hálfleik.
Afturelding er sem fyrr á toppnum en Völsungur er í öðru sæti, einu stigi eftirá.
Botnlið Hugins náði þá jafntefli við Þrótt Vogum. Þróttur er aðeins búinn að næla sér í tvö stig af síðustu fimmtán mögulegum.
Afturelding 1 - 2 Völsungur
1-0 Andri Freyr Jónasson ('30)
1-1 Elvar Baldvinsson ('41)
1-2 Travis Nicklaw ('76)
Huginn 1 - 1 Þróttur V.
0-1 Viktor Smári Segatta ('41)
1-1 Nenad Simic ('58)
Markaskorarar af urslit.net
Athugasemdir