Fylkir komst yfir snemma leiks en Stjarnan tók öll völd á vellinum og skoraði níu mörk.

„Stjarnan bara mætti gríðarlega ákveðin til leiks og keyrði yfir okkur. Það verður bara að segjast alveg eins og er," sagði Kjartan að leikslokum.

„Liðið okkar er mjög ungt, ég held það hafi verið sjö stelpur á 2. flokks aldri að byrja leikinn. Þær voru ákveðnar og lokuðu öllu en við eigum að geta gert betur varnarlega. Við vorum svolítið langt frá okkur sjálfum í dag."

Kjartan sættir sig við að betra liðið hafi unnið og er ánægður með tækifærið sem ungur leikmannahópur Fylkis fékk.

„Við höfðum trú fyrir þennan leik, við erum búin að sýna það í sumar. Við erum búin að spila við fullt af góðum liðum og sýnt góðan karakter en núna vorum við svolítið frá okkur.

„Margar stelpur hérna ungar og efnilegar sem fengu gott tækifæri. Þær fengu þennan leik í lærdóm, vonandi skilar þessi leikur okkur góðum lærdómi."