Chris Hughton, fyrrum stjóri Brighton, er í viðræðum við Bristol City um að taka við liðinu en þetta kemur fram í ensku miðlunum í dag.
Bristol City ákvað á dögunum að reka Lee Johnson úr starfi en Johnson hafði stýrt Bristol frá 2016.
Dean Holden stýrir Bristol-liðinu út þetta tímabil en liðið á einn leik eftir í deildinni.
Samkvæmt ensku miðlunum er Bristol í viðræðum við Chris Hughton fyrrum stjóra Brighton.
Hughton hefur áður stýrt liðum á borð við Birmingham, Newcastle United og Norwich.
Hann var síðast í starfi hjá Brighton en hann kom liðinu upp í ensku úrvalsdeildina árið 2017. Hann var svo látinn fara frá félaginu í maí á síðasta ári eftir að hann bjargaði liðinu naumlega frá falli.
Athugasemdir