Manchester City sigraði gegn Watford í ensku úrvalsdeildinni í dag. City hefur að engu að keppa nema stoltinu á meðan Watford er í fallbaráttu.

Hayden Mullins stýrði liði Watford í dag þar sem Nigel Pearson var rekinn á sunnudag, það hafði ekki sýnileg jákvæð áhrif. City hélt boltanum 77% af leiknum, átti 25 skot að marki og skoraði fjögur mörk.

Raheem Sterling skoraði fyrstu tvö mörk leiksins og það seinna kom eftir að hann klúðraði á vítaspyrnu. Hann átti svo tilraun sem Phil Foden fylgdi á eftir í þriðja marki City.

Varnarmaðurinn Aymeric Laporte rak svo síðasta smiðshöggið á 66. mínútu eftir sendingu Kevin De Bruyne. Það var þrítugasta markið sem De Bruyne kemur að á þessari úrvalsdeildarleiktíð. Hann hefur skorað ellefu mörk og lagt upp nítján. Watford er eftir tapið með þremur stigum meira en Aston Villa og Bournemouth. Öll liðin eru með -27 í markatölu.