Breiðablik sigraði Val gífurlega sannfærandi í toppslag sjöundu umferðar Pepsi Max-deildar kvenna í kvöld.

Sveindís Jane skoraði þrennu fyrir heimakonur í kvöld og Berglind Björg innsiglaði sigurinn á 87. mínútu leiksins.

Fyrstu tvö mörk Sveindísar komu með 63 sekúndan millibili strax í upphafi seinni hálfleiks. Liðin voru taplaus frá sumrinu 2018 og um tvö langbestu lið síðustu leiktíðar að ræða.

Agla María Albertsdóttir var mjög öflug í liði Breiðabliks og lagði upp þrjú mörk, Sveindís skoraði þrjú og Berglind skoraði eitt og lagði upp annað.

Breiðablik er nú með fimmtán stig eftir fimm spilaða leiki og á ennþá eftir að fá á sig mark! Valur er með sextán stig eftir sjö leiki.