Grótta vann Hauka 1-0 í Lengjudeild kvenna í kvöld.
Pétur Rögnvaldsson, aðstoðarþjálfari Gróttu.
„Höfum oft spilað betur, sérstaklega sóknarlega, en virkilega sætur sigur þar sem að við vorum búin að spila vörn stóran hluta seinni hálfleiks. Okkur gekk illa með boltann þannig að ná að loka þessu er mikið styrkleikamerki. Tilfinning er góð en það er margt hægt að laga til að gera betur, stutt í næsta leik.“ sagði Pétur Rögnvaldsson, aðstoðarþjálfari Gróttu eftir 1-0 sigur á Haukum í Lengjudeild kvenna í kvöld.
Lestu um leikinn: Grótta 1 - 0 Haukar
„Út á vellinum í seinni hálfleik ætla ég ekkert að fara ljúga, Haukarnir voru meira með boltann og sköpuðu sér meira, en Tinna Brá var alltaf eitthvernveginn solid í markinu og varnarlínan flott. Við vorum meira í vörn í dag heldur en oft áður.“
Þjálfarar Gróttu gerðu breytingu á varnarlínunni í kvöld. Sigrún Ösp, sem hefur spilað í hjarta varnarinnar var fyrir framan vörnina í kvöld.
„Pælingin tengist í rauninni bara að það eru þrír dagar í að við förum til Húsavíkur og þetta er bara hreyfing á liðinu sem er bara eðlileg í álagi sem er núna og búið að vera seinustu daga og vikur.“
Grótta er í 3.sæti deildarinnar og segir Pétur að sjálfstraustið er á mjög góðum stað. Þegar hann var spurður um hvort að liðið ætlaði að blanda sér í toppbaráttuna í deildinni, sagði hann að Grótta hugsi bara um einn leik í einu.
„Við tökum einn leik í einu og það eru þrír leikir eftir af fyrri umferðinni og ætli við tökum ekki bara stöðuna eftir fyrri umferðina og sjáum hvar við stöndum þá. Þangað til þá er óþarfi að fara eitthvað gaspra í þig að við ætlum að gera hitt og þetta. Það er bara einn leikur í einu eins og staðan er núna.“
Viðtalið í heild sinni má nálgast hér í spilaranum að ofan.
Athugasemdir
