Paris St-Germain hyggst reyna að kaupa Paul Pogba (28) frá Manchester United í sumar en franski landsliðsmaðurinn á eitt ár eftir af samningi sínum á Old Trafford. PSG telur að möguleiki sé á að kaupa hann á 50 milljónir punda. (Mirror)

PSG hefur enn ekki sett sig í samband við United vegna mögulegs kauptilboðs í Pogba. (Manchester Evening News)

Raphael Varane (28), miðvörður Real Madrid og franska landsliðsins, vonast til þess að gengið verði frá skiptum sínum til Manchester United á næstu dögum. (AS)

Velski sóknarmaðurinn Gareth Bale (32) hefur verið orðaður við bandarísku MLS-deildina en hann hyggst klára síðasta árið af samningi sínum við Real Madrid. (AS)

PSG gæti selt allt að níu leikmenn til að fjármagna það að Kylian Mbappe (22) sé á sömu launum og brasilíski framherjinn Neymar (29). Franska félagið vill að Mbappe geri nýjan samning. (L'Equipe)

Barcelona reynir að selja leikmenn til að gera nýjan samning við argenínska framherjann Lionel Messi (34) áður en nýtt tímabil fer af stað. (Guardian)

Arsenal hefur gert 34 milljóna punda tilboð í ítalska miðjumanninn Manuel Locatelli (23) hjá Sassuolo. (Sky Italy)

Arsenal er tilbúið að láta Leicester City fá Reiss Nelson (21) og fleiri leikmenn sem hluta af tilboði í enska miðjumanninn James Maddison (24). (Mail)

Arsenal leggur aukna áherslu á að fá brasilíska markvörðinn Neto (31) hjá Barcelona. (Mundo Deportivo)

Chelsea gæti gert 135 milljóna punda tilboð í norska sóknarmanninn Erling Haaland (20) hjá Dortmund. (ESPN)

Enski vængmaðurinn Callum Hudson-Odoi (20) hefur verið orðaður við brottför frá Chelsea en virðist stefna í að vera áfram á Stamford Bridge. (Athletic)

Tottenham er að nálgast samkomulag við Sevilla um spænska vængmanninn Bryan Gil (20) en argentínski sóknarleikmaðurinn Erik Lamela (29) mun þá fara til La Liga félagsins. (Sky Sports)

Tottenham mun borga 21,6 milljónir punda fyrir Gil en sú upphæð gæti hækkað eftir frammistöðu. (Guardian)

Manchester United er tilbúið að kaupa tvo stór nöfn áður en glugganum verður lokað. Kieran Trippier (30) bakvörður Atletico Madrid er meðal nafna á blaði. (Manchester Evening News)

United hefur enn áhuga á Trippier, þrátt fyrir að Atletico vilji um 18 milljónir punda fyrir hann. (TalkSport)

Juventus hefur sett 35 milljóna punda verðmiða á tyrkneska varnarmanninn Merih Demiral (21) sem hefur verið orðaður við Everton. (Goal)

Leeds United gæti fengið enska miðjumanninn Lewis Bate (18) frá Chelsea. (Mail)

Enski vængmaðurinn Demarai Gray (25) hjá Bayer Leverkusen fór í læknisskoðun hjá Everton í gær. (Sky Sports)