Hið fjölbreytta og skemmtilega Unglingalandsmót er haldið á hverju ári af UMFÍ.
Landsmótið er haldið um verslunarmannahelgi og geta börn og unglingar keppt í hinum ýmsu greinum, þar á meðal knattspyrnu.
Fréttatilkynning UMFÍ
Unglingalandsmót UMFÍ verður haldið á Selfossi um verslunarmannahelgina. Mótið er vímulaus íþrótta- og fjölskylduhátíð þar sem fjölbreytt íþróttakeppni er á daginn en tónleikar á kvöldin.
Keppnisgreinarnar eru fyrir krakka á aldrinum 11 – 19 ára en auk þessa er gríðarlega fjölbreytt dagskrá fyrir alla aldurshópa frá morgni til kvölds.
Þátttökugjaldið er aðeins kr. 7.900.- og fyrir það getur þátttakandinn tekið þátt í einni grein eða öllum, sem ekki er nú möguleiki tímans vegna. Frítt er á tjaldsvæðið fyrir fjölskylduna en ef gestir vilja komast í rafmagn er tekið lítið gjald fyrir það.
Fjölmörg viðfangsefni eru fyrir yngri systkini sem kosta ekki krónu.
Knattspyrnan hefur verið fjölmennasta keppnisgreinin á mótunum undanfarin ár og búist er við fjölmennri keppni í ár. Keppt er í stráka og stelpnaflokkum en keppnin fer öll fram á frábæru vallarsvæði á Selfossi, föstudag, laugardag og sunnudag.
Það er hægt að hafa allskonar lið í fótboltanum. Hefðbundin lið geta tekið þátt en ekki síður vinahópar.
Skráning stendur yfir og það er hægt að fá allar upplýsingar inni á heimasíðu mótsins ulm.is.
Athugasemdir