Leik Everton og Crystal lauk nú rétt í þessu með 2-0 sigri heimanna.

Fyrri hálfleikur var ansi bragðdaufur og markalaust var í hálfleik.

Á 58. mínútu leiksins braut fyrirliði Everton, Seamus Coleman á Wilfried Zaha innan teigs og Anthony Taylor dómari leiksins sá ekkert annað í stöðunni en að dæma vítaspyrnu.

Luka Milivojevic fór á vítapunktinn en lét Jordan Pickford verja frá sér. Spyrnan slök og beint á markið.

Ademola Lookman, Dominic Calwert-Lewin og Cenk Tosun komu allir inná í síðari hálfleik og er óhætt að segja að þeir hafi tryggt Everton stigin þrjú.

Á 87. mínútu kom Lookmann með fyrirgjöf sem að Calwert-Lewin skallaði í netið framhjá Hennessey.

Tveimur mínútum síðar átti Michael Keane langa sendingu úr vörn Everton fram völlinn þar sem að Cenk Tosun elti boltann og var skyndilega kominn einn í gegn og kláraði færið vel.

Everton í áttunda sæti deildarinnar en Crystal Palace í því fimmtánda.