Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 21. október 2018 16:03
Arnar Helgi Magnússon
Heimir Guðjóns setti nýtt stigamet með HB
Mynd: Fótbolti.net - Hafliði Breiðfjörð
Heimir Guðjónsson heldur áfram að gera frábæra hluti með HB í Færeyjum en lið hans setti nýtt stigamet í færeysku deildinni í dag.

HB tryggði sér titilinn fyrir nokkrum umferðum síðan en ein umferð er eftir af deildinni og HB er með átján stiga forystu á liðið sem er í 2. sæti, NSI Runavik.

HB mætti B36 í deildinni í dag og fór með nokkuð þægilegan sigur af hólmi, 1-3. Með sigrinum setti liðið nýtt stigamet í deildinni en fyrra met átti einmitt B36 þegar þeir unnu deildina með 67 stig árið 2011.

Lærisveinar Heimis eru komnir í 70 stig eftir leikinn í dag og geta farið upp í 73 stig en þeir mæta Víking frá Götu í síðustu umferð deildarinnar á laugardaginn.

Það voru þó ekki einungis jákvæðar fréttir úr herbúðum HB en Brynjar Hlöðversson leikmaður liðsins fór útaf strax á 3. mínútu, handleggsbrotinn. Hann mun því ekki leika með HB í síðustu umferðinni næstu helgi.

B36 1 - 3 HB
0-1: Ari Mohr Olsen
1-1: Meinhard E. Olsen
1-2: Jógvan Skeel Nolsøe
1-3: Símun Samuelsen
Athugasemdir
banner
banner
banner
banner
banner