Um er að ræða bikarmeistaratitilinn á síðasta tímabili en úrslitaleiknum var frestað í vor vegna kórónuveirufaraldursins.

Celtic vann einnig deildina og deildabikarinn á síðasta tímabili en þetta er þriðja árið í röð sem liðið vinnur allt sem er í boði í Skotlandi.

Neil Lennon, stjóri Celtic, skráði sig einnig í sögubækurnar en hann er sá fyrsti til að vinna bikarana þrjá bæði sem stjóri og leikmaður.

Lennon hefur legið undir mikilli gagnrýni undanfarnar vikur en Celtic er úr leik í skoska deildabikarnum og Evrópudeildinni auk þess sem liðið er í augnablikinu sextán stigum á eftir toppliði Rangers í skosku deildinni.