Martinelli hefur verið einn af máttarstólpum Arsenal sem er í toppsæti ensku úrvalsdeildarinnar.

Þessi 21 árs gamli leikmaður hefur tekið miklum framförum síðasta eina og hálfa árið.

Arsenal er nú reiðubúið að verðlauna leikmanninn en félagið er í viðræðum við teymi hans um að framlengja samninginn til næstu ára og mun hann þrefalda í launum samkvæmt Daily Mail.

Martinelli þénar 70 þúsund pund á viku en hann verður með launahæstu leikmönnum liðsins og mun nýi samningurinn færa honum 200 þúsund pund í vikulaun.

Brasilíumaðurinn, sem er með fimm mörk í fjórtán leikjum í deildinni, mun skrifa undir samninginn á næstu vikum.