Stjarnan lagði Keflavík að velli í eina leik dagsins í Fótbolta.net mótinu. Leikurinn fór fram í Kórnum í Kópavogi.

Hilmar Árni Halldórsson var mættur aftur í lið Stjörnunar eftir A-landsliðsverkefni í Katar. Eins og lið PSG um daginn þá mætti Hilmar ferskur frá Katar.

Leikskýrsla KSÍ úr leiknum.

Hilmar Árni skoraði fyrsta mark leiksins úr vítaspyrnu á 33. mínútu. Það var eina mark fyrri hálfleiks. Í upphafi seinni hálfleiks var Hilmar Árni aftur á ferðinni þegar hann skoraði glæsilegt mark beint úr aukaspyrnu.

Þorsteinn Már Ragnarsson gerði svo út um leikinn með marki þegar rúmur stundarfjórðungur var eftir.

Lokatölur 3-0 fyrir Stjörnuna sem er með fjögur stig í riðli 1 í A-deild. Keflavík er án stiga. Stjarnan á eftir að spila við ÍA í úrslitaleik um efsta sætið í riðlinum og Keflavík á eftir að mæta FH.