Þá fékk hann sérstaka skoðunarferð og heimsótti Al Wakrah leikvanginn sem er í byggingu en hann er einn átta valla sem notaðir verða á HM í Katar 2022.

„Þetta lítur allt saman virkilega vel út. En þegar 2022 mótið gengur í garð verð ég þjálfari félagsliðs og verð ósáttur við að leikmenn fari á stórmót á miðju tímabili," segir Mourinho.

HM í Katar verður í nóvember og desember út af hitastiginu í landinu sem er ansi hátt yfir sumartímann.

„Það er allt sem bendir til þess að mótið verði stórkostlegt."

Katar er lítið land og mun taka innan við klukkutíma að ferðast milli valla sem býður upp á þann möguleika fyrir stuðningsmenn að sjá tvo leiki á einum degi. Þá verður mikil nánd og allir á sama svæðinu, ólíkt síðustu heimsmeistaramótum.

„Lið vilja ekki vera að ferðast mikið. Ég held að þetta verði í fyrsta sinn sem lið velja sínar herbúðir, sinn æfingavöll, og verða þar þar til þau hafa lokið keppni á mótinu. Það er frábært fyrir leikmenn og þjálfara," segir Mourinho.