Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 22. janúar 2023 09:48
Brynjar Ingi Erluson
Chelsea hækkar tilboð sitt í Caicedo - Bellingham til Man City?
Powerade
Moises Caicedo á leið til Chelsea?
Moises Caicedo á leið til Chelsea?
Mynd: Getty Images
Jude Bellingham hafnaði samningstilboði Dortmund
Jude Bellingham hafnaði samningstilboði Dortmund
Mynd: Getty Images
David De Gea mun framlengja samning sinn við Man Utd
David De Gea mun framlengja samning sinn við Man Utd
Mynd: EPA
Þá er komið að slúðurpakkanum á þessum fína sunnudegi en það er fullt af skemmtilegum molum að þessu sinni.

Enski miðjumaðurinn Jude Bellingham (19) mun hafna nýju samningstilboði Borussia Dortmund og er nú talið að Manchester City leiði kapphlaupið um hann. (Star)

Chelsea ætlar að hækka tilboð sitt í Moises Caicedo (21) í 65 milljónir punda til að freista Brighton til þess að selja miðjumanninn. (MIrror)

Chelsea er þá tilbúið til þess að skipta á Hakim Ziyech (29) fyrir Franck Kessie (26), miðjumann Barcelona. (Sport)

David De Gea (32), markvörður Manchester United, er tilbúinn að taka á sig launalækkun til að tryggja langtímasamning á Old Trafford (Sun)

Manchester City er að ganga frá kaupum á Maximo Perrone (20), leikmanni Velez í Argentínu. Newcastle og Wolves hafa einnig sýnt honum áhuga. (Mail)

Arsenal mun halda áfram að ræða við umboðsmann Ivan Fresneda (18), leikmann Real Valladolid, í þessari viku. (Mail)

Það stendur til boða fyrir Manchester United að fá Dusan Vlahovic (22), framherja Juventus, en Arsenal, Chelsea, Paris Saint-Germain og Bayern München eru einnig meðvituð um að hann sé fáanlegur. (90min)

Roma hafnaði tilboði West Ham í ítalska miðjumanninn Nicolo Zaniolo (23). Tottenham er enn í viðræðum við leikmanninn. (Calciomercato)

Roma mun leggja fram tilboð í Gerard Deulofeu (28), leikmann Udinese, um leið og félagið er búið að losa sig við Zaniolo. (Calciomercato)

Everton er að reyna safna peningum til að kaupa Iliman Ndiaye (22), framherja Sheffield United. (Sun)

Luis Enrique, fyrrum þjálfari spænska landsliðsins, er einn þeim kostum sem brasilíska fótboltasambandið er að skoða til að taka við landsliðinu. (UOL Esporte)

Manchester City er í viðræðum við þýska miðjumanninn Ilkay Gundogan (32). Hann hefur verið orðaður við Barcelona, en það þykir líklegra að hann framlengi samning sinn á Englandi. (Athletic)

Manchester United og Tottenham eru bæði að fylgjast með Lovro Majer (25), leikmanni Rennes í Frakklandi. (Jeunes Footeux)

Samningur Adama Traore (26) hjá Wolves rennur út í sumar en Atalanta og Napoli eru bæði í viðræðum um að fá hann á frjálsri sölu. (90min)

Nottingham Forest ætlar að reyna að fá Mason Holgate (26), varnarmann Everton, í þessum mánuði. (Football Insider)
Athugasemdir
banner
banner
banner