Sterling, sem er 25 ára gamall, hefur verið einn besti leikmaður Manchester City á þessari leiktíð og virðist bæta sig með hverju árinu en hann hefur einnig komist í fréttirnar fyrir frábæran karakter sinn.

Damary Dawkins, 13 ára stuðningsmaður Sterling, lést í síðasta mánuði eftir baráttu við hvítblæði en Sterling hafði hjálpað honum í baráttunni.

Sterling heiðraði minningu hans í 5-0 sigri Englands á Tékklandi í síðasta mánuði þar sem hann klæddist bol sem var merktur Dawkins.

Enski vængmaðurinn ætlar að greiða allan útfararkostnað fyrir fjölskyldu Dawkins en útförin fer fram á föstudag.