Beint í mark er spurningaspil um fótbolta fyrir alla fjölskylduna. Spurningarnar eru styrkleikaskiptar sem auðveldar öllum að spila með – sófasérfræðingum jafnt sem öðrum! Jóhann Berg var á meðal þeirra sem gaf út spilið fyrir jólin 2017.

„Það eru nokkrar spurningar í spilinu þar sem ég er svarið. Sem betur fer næ ég þeim alltaf rétt," sagði Jóhann Berg léttur í viðtali við heimasíðu Burnley.

Jóhann Berg hefur mikið verið frá vegna meiðsla á þessu tímabili, en hann vonast til þess að mæta aftur til leiks þegar enska úrvalsdeildin snýr aftur - hvenær sem það svo verður.